প্ৰায় ৭ বছৰ পূৰ্বেই এটি বিহু গীতে জনপ্ৰিয়তা লাভ কৰিছিল। গীতটি আছিল “ৰৈ ৰৈ ৰতি, মইনা মতি”। অসমীয়া জনপ্ৰিয় কণ্ঠশিল্পী অভিশ্ৰুতি বেজবৰুৱাৰ কণ্ঠৰে মুক্তিপ্ৰাপ্ত এই বিহু গীতটিয়ে কেৱল মাত্ৰ অসমতেই নহয়, ভাৰতবৰ্ষতেই গীতটিয়ে সঁহাৰি লাভ কৰিছিল। প্ৰতিবছৰে বিহুটিত জনসাধাৰণে উক্ত গীতটি নুশুনিলে যেন আধৰুৱা হৈ পৰে সকলো। অসমীয়াৰ আৱেগৰ ৰঙালী বিহুটি আহিলে সকলোদিশে উৎসাহ-উদ্দীপনাৰ লহৰ বয়। এইবাৰৰ বিহুটিৰ আমেজেই সুকীয়া, শেহতীয়াকৈ গীনিজ বুক অৱ ৱৰ্ল্ড ৰেকৰ্ডত অসমীয়া বিহুৱা-বিহুৱতীয়ে একে ঠাইতে পৃথকে পৃথকে অসমৰ নাম সোণালী আখৰেৰে খোদিত কৰিলে। প্ৰতিগৰাকী অসমীয়াৰ বাবে আজি সঁচাকৈ আৱেগপূৰ্ণ তথা অতিকৈ গৌৰৱৰ দিন। আজিৰ এই বিশেষ দিনটোতেই মনোৰঞ্জন ক্ষেত্ৰখনৰো উক্ত বিশেষ গীতটিৰ বিষয়ে জনাবলৈ ওলাইছোঁ।
“ৰৈ ৰৈ ৰতি” গীতটিক শেহতীয়াকৈ “Sign Language” মুকলি কৰা হৈছে। সংগীত সকলোৰে বাবে, সংগীতক অনুভৱ কৰাটোহে অৱশ্যে আচল কথা… আৰু এই উদ্দেশ্যকে সাৰোগত কৰি কণ্ঠশিল্পী অভিশ্ৰুতি বেজবৰুৱাই কৰা এই প্ৰয়াস সঁচাকৈ লেখতল’বলগীয়া। গীতটিত নতুনকৈ “Sign Language” ক সুন্দৰকৈ উপস্থাপন কৰিছে স্নিগ্ধা ৰাজবংশী আৰু অনুপম গোঁহাইয়ে। আপোনালোকে বাৰু জানেনে? সৰুৰে পৰা সাংস্কৃতিক ক্ষেত্ৰখনৰ সংস্পৰ্শলৈ অহা অভিশ্ৰুতি বেজবৰুৱাই কেৱল মাত্ৰ ১৯ বছৰ বয়সতে আকাশবাণীৰ শাস্ত্ৰীয় সংগীত (সৰ্বভাৰতীয় স্তৰত) প্ৰতিযোগিতাত অসমৰ প্ৰথম গৰাকী যুৱতী হৈ জয়ী লাভ কৰিছিল।
অভিশ্ৰুতিৰ এই প্ৰয়াসৰ বাবে Jollywood Now ৰ তৰফৰ পৰা তেখেতক ধন্যবাদ জনাইছোঁ। লগতে, সদৌটিলৈ ৰঙালী বিহু আৰু অসমীয়া নৱবৰ্ষৰ আন্তৰিক শুভকামনা জ্ঞাপন কৰিছোঁ।
