নতুন আৰম্ভণি, “বীৰাঙ্গনা সাধনী” শ্বুটিঙৰ প্ৰস্তুতি-
আমি নতুন আৰম্ভণি বুলি কোৱাৰ আঁৰত আছে এক বিশেষ কাৰণ। আগন্তুক অসমীয়া ব্যয়বহুল ছবি “বীৰাঙ্গনা সাধনী” য়ে বহুকেইখন নতুন মুখ, ব্যতিক্ৰমী অভিনয়ৰ সোৱাদ লৈ আনিব আপোনালোকলৈ। ছবিখনত অন্তৰ্ভুক্ত চৰিত্ৰসমূহৰ বাবে বিভিন্নগৰাকী অভিজ্ঞ অভিনেতা-অভিনেত্ৰীক নিৰ্বাচন কৰাৰ পিছতে আৰম্ভ হৈছিল অনুশীলন আৰু এই অনুশীলনৰ পিছত অহা ১৪ ডিচেম্বৰ তাৰিখৰ পৰা আৰম্ভ হ’ব “বীৰাংগনা সাধনী” ৰ দৃশ্যগ্ৰহণ প্ৰক্ৰিয়া।
অসমৰ ইতিহাসৰ বিভিন্নটা কাহিনীক ৰূপালী পৰ্দাত আমি ইতিমধ্যে কেইবাখনো ছবিৰ জৰিয়তে উপভোগ কৰিলোঁ। এতিয়া সময় বুৰঞ্জীমূলক অধ্যায়ক হৃদয়ংগম কৰাৰ, ৰাইজ অধীৰভাৱে অপেক্ষাৰত “বীৰাংগনা সাধনী” ৰ বাবে।
Jollywood Now ৰ তৰফৰ পৰা “বীৰাংগনা সাধনী” ৰ সৈতে জড়িত আটাইলৈ শুভকামনা জ্ঞাপন কৰিছোঁ। আশা ৰাখিছোঁ, এখন সৰ্বাংগ সুন্দৰ ছবি উপভোগ কৰিব পাৰিব অসমবাসীয়ে।
