লোকেল কুংফু ৩ সাজু, আগন্তু ৫ ছেপ্টেম্বৰত শুভমুক্তি-
“লোকেল কুংফু” বুলি ক’লেই বিভিন্ন জনৰ মাজত এই আৱেগ বোলা বস্তুটো জাগি উঠে। গুৱাহাটী মহানগৰীৰ প্ৰায় বিভিন্ন অঞ্চলত চিত্ৰগ্ৰহণ চলি থকা এই একছনধৰ্মী ছবিখন মুক্তি লাভ কৰিব চলিত বৰ্ষৰ ৫ ছেপ্টেম্বৰ তাৰিখে। শিক্ষক আৰু ছাত্ৰৰ মাজৰ মধুৰ সম্পৰ্কটোক লৈ নিৰ্মাণ হোৱা এই ছবিখনক লৈ অপেক্ষাৰত এতিয়া অসমীয়া চলচিত্ৰপ্ৰেমী ৰাইজ।
“লোকেল কুংফু” ৰ দুয়োটা সংস্কৰণৰ জনপ্ৰিয়তাৰ পিছত পৰিচালক কেনী বসুমতাৰীয়ে ছবিখনৰ তৃতীয় সংস্কৰণটোৰ যো-জা আৰম্ভ কৰিছিল।অভিনেতা বনী দেউৰী, উৎকল হাজোবাৰী, বিভাষ সিং, জনী দেউৰীকে ধৰি কেইবাজনো অভিনেতা-অভিনেত্ৰীক এই ছবিখনত দেখিবলৈ পোৱা যাব বুলি ইতিমধ্যে জানিব পৰা গৈছে। ছবিখন উপভোগ কৰিবলৈ অপেক্ষাৰত এতিয়া অসমৰ প্ৰতিটো কোণৰ দৰ্শক।
