ফিছা ২.০ ৰ টিজাৰ আৰু সংকল্পজিৎ হাজৰিকাৰ প্ৰস্তুতি-
“ReelDrama” ত যেতিয়া প্ৰথমবাৰ এই “ফিছা” ৱেব চিৰিজখনে মুক্তি লাভ কৰিছিল তেতিয়াই ইয়াৰ কাহিনীটোক লৈ সৰ্বত্ৰে চৰ্চা চলিছিল। অসমীয়া জনপ্ৰিয় ৱেব চিৰিজসমূহৰ ভিতৰত অন্যতম জনপ্ৰিয় ৱেব চিৰিজ “ফিছা” ক গণ্য কৰা হয় বুলি আমি কেইবাবাৰো উল্লেখ কৰি আহিছোঁ। অৱশ্যে, ইয়াৰ জনপ্ৰিয়তাৰ আঁৰত আছিল ইয়াত অভিনীত প্ৰতিগৰাকী অভিনেতা-অভিনেত্ৰীৰ দুৰ্দান্ত অভিনয় আৰু চিৰিজখনৰ দমদাৰ প্ল’টটো।
তাহানিৰ সেই জনপ্ৰিয়তা তথা ৰাইজৰ সমাদৰক সামৰিয়েই “ফিছা ২.০” মুক্তিৰ দিশে আগবাঢ়িছে। শেহতীয়াকৈ মুক্তিপ্ৰাপ্ত ৱেৱ চিৰিজখনৰ ট্ৰেইলাৰটোতেই গম পোৱা গৈছে যে এইবাৰৰ কাহিনীভাগতো থাকিব থ্ৰীলাৰ তথা চাচপেন্স।
কুহেলী দাসগুপ্তা আৰু সুমিত দাসগুপ্তাৰ প্ৰযোজনাৰে নিৰ্মিত “ফিছা ২.০” ৰ পৰিচালনা সংকল্পজিৎ হাজৰিকাৰ । ইয়াত অভিনয় কৰিছে ক্ৰমে কমল লোচন, স্তুতি চৌধুৰী, বিভূতি ভূষণ হাজৰিকা, সিদ্ধাৰ্থ মুখাৰ্জী, চিন্ময় কটকী, ধ্ৰুৱ দাস, যতীনজিৎ বৰা আৰু কৌশিক ভৰদ্বাজে। দৃশ্যগ্ৰহণ বিতুল দাসৰ লগতে সংগীত সিদ্ধান্ত সাগৰৰ আৰু সম্পাদনা কৰিছে মানস কাশ্যপে।
