আদিত্যম শইকীয়াৰ নতুন পৰিকল্পনা “মইনা কলিজা”, শীঘ্ৰে আপোনালোকৰ মাজলৈ-
অসমৰ প্ৰতিগৰাকী জনগণৰ হৃদয়ত “ৰঙাটাপু ১৯৮২” য়ে লগোৱা খলকনিৰ পিছত পৰিচালক হিচাবে আদিত্যম শইকীয়াৰ প্ৰকল্পবোৰ উপভোগ কৰিবৰ বাবে অপেক্ষাৰত হৈ পৰিছে দৰ্শকসকল। গতিকে, অপেক্ষা কৰি থকাসকলৰ বাবে এক বিশেষ খবৰ। আজি আছে আদিত্যম শইকীয়াৰ পৰিচালনাৰে এখন নতুন ৱেব চিৰিজ “মইনা কলিজা”। ৫ টা খণ্ডযুক্ত এই নতুন ৱেব চিৰিজখন মুক্তি লাভ কৰিব আগন্তুক ১ এপ্ৰিল তাৰিখৰ পৰা percelia Production নামৰ ইউটিউব চেনেলটোত।
সাম্প্ৰতিক সময়ত নিজৰ সুপ্ত প্ৰতিভা বিকাশৰ বাবে একাংশই ব্যৱহাৰ কৰা মুখ্য আহিলাটোৱে হৈছে “ৰীলচ”। এই “ৰীলচ” ক মুখ্য বিষয় হিচাবে লৈ এই ৱেব চিৰিজখন নিৰ্মাণ কৰা হৈছে, য’ত কাহিনীভাগ আদিত্যম শইকীয়াৰ নিজৰেই। চুমি বৰা, সৌৰভ হাজৰিকা, সিদ্ধাৰ্থ শৰ্মা, চুমকি কছাৰী, হৰপল শইকীয়া, পাপৰি বৰা, প্ৰতিভা চৌধুৰী, ৰাজীৱ দাউৰী, ৰাগিনী কৌশিক, অমিতাভ ৰাজখোৱা, জলী হাজৰিকা ফুকন, ৰাজমানী ভূঞা, নানু, কৃতিকা শইকীয়া, দীক্ষিতা দাস, নমী আৰু নিৰ্মালীৰ অভিনয়েৰে নিৰ্মিত এই চিৰিজখনৰ প্ৰযোজনা
percelia Production ৰ। শেহতীয়াকৈ ট্ৰেইলাৰটোক মুকলি কৰি দিয়া হৈছে।
বিনামূল্যে এখন সুন্দৰ ৱেব চিৰিজ উপভোগ কৰিবৰ বাবে আপোনালোকো সাজু হওঁক।
