ইমান দিনৰ চৰ্চা, প্ৰচাৰ আৰু ইটো-সিটো বহুটোৰ পিছত শেহতীয়াকৈ “বিদুৰভাই” ৰ আনুষ্ঠানিক পষ্টাৰ খন মুকলি কৰি দিয়া হয়। অহা ১৯ জুলাই তাৰিখে আহিব “বিদুৰভাই”। ছবিখনৰ বিষয়ে আপোনালোকক নিশ্চয়কৈ বিশেষ ক’বলগীয়া হয়টো নাই। “বিদুৰভাই” ৱেব চিৰিজখন উপভোগ কৰা দৰ্শকে এই ছবিখনৰ মুক্তিৰ বাবে যে মনে-প্ৰাণে অপেক্ষা কৰিছে সেয়া আমি ইতিমধ্যে সামাজিক মাধ্যমত বিভিন্নজনে দিয়া কমেণ্টৰ জৰিয়তে দেখিবলৈ পাইছোঁ।
এই ছবিখন লিখাৰ লগতে পৰিচালনা আৰু সম্পাদনা সুব্ৰত কাকতিৰ। সংগীতৰ দায়িত্বত আছে প্ৰণয় দত্ত। আৰু, দৃশ্যগ্ৰহণ কৰিছে বিতুল দাসে। আনহাতে, ইয়াত অভিনয় কৰিছে ক্ৰমে চুমকি কছাৰী, বলীন বৰা, উজ্জ্বল ৰাজখোৱা, ত্ৰৈলোক্য বৰুৱা, নিতু খনিকৰ, পংকজ মহন্ত, অসীম শৰ্মা, স্নিগ্ধা ফুকন, শৰ্মিষ্ঠা দাস, উদ্দীপনা বৰা, হীৰকজ্যোতি বৰদলৈ, আনন্দ বৰা, আছিফ জাৱেদ আৰু দীপামণি খাটনিয়াৰে। Rootstock Entertainment ৰ বেনাৰত ছবিখন প্ৰযোজনা কৰিছে অৰ্ণৱ হাজৰিকাই।
নিৰ্মাণৰ দিন ধৰি খলকনিৰ সৃষ্টি কৰা এই “বিদুৰভাই” ছবিখনে ছবিগৃহত আলোড়ণৰ সৃষ্টি কৰক আমি তাৰেই আশা ৰাখিছোঁ।
