“দ্যা বেক বেন্সাৰচ” ৰ পিছত সাধুকথা প্ৰডাকচনৰ বেনাৰত আহিবলগীয়া এখন চুটি ছবিৰ বিষয়ে আমি ইতিমধ্যে আপোনালোকক জনাইছিলোঁ। এটা কোমোৰাৰ কাহিনীৰে নিৰ্মিত চুটি ছবিখনৰ নাম হৈছে “দেওঁলগা কোমোৰা”। অহা ১৭ অক্টোবৰ তাৰিখে মুক্তিপাবলগীয়া এই চুটি ছবিখনৰ ট্ৰেইলাৰটোৱে ইতিমধ্যে চুটি ছবিখনক লৈ দৰ্শকসকলক অপেক্ষাৰত কৰি তুলিছে।
গ্ৰাম্য পটভূমিত নিৰ্মিত চুটি ছবিখনত আপোনালোকে গ্ৰামাঞ্চলবাসীৰ সমাজ সচেতনতা অথবা কু-সংস্কাৰ, লোকবিশ্বাস ইত্যাদি সন্দৰ্ভত কিছু আভাস পাব। আপোনালোকে অৱশ্যে ঠিকেই পঢ়িছে যে এই চুটি ছবিখনৰ মুখ্য বিষয়বস্তু হ’ব এটা কোমোৰা। ড্ৰামা, কমেডি, চাচপেন্স তথা হ’ৰ’ৰ – আপুনি ইয়াত প্ৰতিটো ৰসেই লাভ কৰিব পাৰিব।
চুটি ছবিখনৰ কাহিনী, চিত্ৰনাট্য আৰু পৰিচালনা টিকেন্দ্ৰজিতৰ। প্ৰযোজনাৰ দায়িত্বত আছে প্ৰাঞ্জল দাস আৰু টিকেন্দ্ৰজিত। অভিনয় কৰিছে ক্ৰমে অৰুণ হাজৰিকা, প্ৰিন্স হাজৰিকা, প্ৰাঞ্জল দাস, দিব্যজ্যোতি দাস, বলেন বৰা, দুলন বাহেক, ধীৰেণ দাস, বনশ্ৰী গগৈ, পূৰ্ণিমা দাস, ৰণ্টু দাস, বগী দাস আৰু বিপ্লৱ শইকীয়াই। দৃশ্যগ্ৰহণ কৰিছে ক্ৰমে পংকজ পাও, শুভন জ্যোতি কুৰ্মী আৰু পি.জে ঠেঙালে। সম্পাদনা কৰিছে শুভন জ্যোতি কুৰ্মী আৰু অনুপম বৰদলৈয়ে। তলত চুটি ছবিখনৰ ট্ৰেইলাৰৰ লিংকটো দি দিয়া হৈছে-
