বহু বিৰতিৰ অন্তত আজি চিত্ৰগৃহলৈ আহিব এখন নতুন অসমীয়া ছবি । কৰোণাই জুৰুলা কৰা ছবি উদ্যোগটোত বহু সাহসেৰে আগবাঢ়ি আহি মুক্তি দিয়াৰ বাবে সাজু হৈছে ছবিখন । ছবিখন হ’ল “একলব্য” । আলফ্ৰেডৰ পৰিচালনাৰে মুক্তি পাবলগীয়া ছবিখনত কেন্দ্ৰীয় চৰিত্ৰত অভিনয় কৰিছে যুৱ প্ৰজন্মৰ প্ৰতিভাৱান শিল্পী কমল লোচনে । চাবলৈ গ’লে ছবিখনৰ প্ৰতিগৰাকী শিল্পী তথা কলা কুশলীয়ে নতুন যদিও কাম কৰাৰ হেঁপাহ আৰু প্ৰতিভাৰ পৰা কিন্তু বেছ আগবঢ়া । তেওঁলোকৰ অসমীয়া ছবিজগতখনক সময়ৰ সৈতে নতুনকৈ গঢ়াৰ যি আগ্ৰহ (মুক্তিপ্ৰাপ্ত গীতকেইটিতেই যেন তাৰ প্ৰতিফলন), সেয়া শলাগীবলগীয়া । আমিও বিচাৰো এই সত্বাকেই । বিচাৰোঁ অসমীয়া ছবিয়ে পাৰ ভাঙি ওলাই যাঁওক সাজৰ তৰাৰ দ’ৰে দূৰ দূৰণি ব্যাপ্তি । সমান্তৰালভাৱে কাম্য অসমীয়া ছবিৰ দৰ্শকো । আহক সকলোৱে মিলি উপভোগ কৰক আমাৰ আইৰ মুখৰ ভাষাৰ ছবিখন । বহু বহু শুভেচ্ছা থাকিল ‘একলব্য’লৈ ।
– লিংকন কলিতা
