শেহতীয়াকৈ আশীৰ্বাদ বিচাৰি যতীন বৰাই এটি ভিডিঅ’ পষ্ট কৰা দেখিবলৈ পোৱা গ’ল। এজন শিল্পীয়ে আচলতে জনসাধাৰণক আকৃষ্ট কৰিবলৈ বহুত কিবা কিবি কৰিব পাৰে! তাৰেই এক উদাহৰণ হৈছে যতীন বৰা আৰু তেওঁৰ সৈতে জড়িত “ৰাঘৱ” ৰ কলা-কুশলীসকল।
জম্মু-কাশ্মীৰত তুষাৰপাত হোৱাৰ ফলত “ৰাঘৱ” ৰ শ্বুটিং বন্ধ কৰি দিয়া হৈছে। এটি গীতৰ শ্বুটিঙৰ বাবে জম্মু-কাশ্মীৰত উপস্থিত হৈছিল যতীন বৰা আৰু “ৰাঘৱ” ৰ টীম, কিন্তু প্ৰবল তুষাৰপাতৰ ফলশ্ৰুতিত তেওঁলোক শ্বুটিং কৰাৰ পৰা স্তব্ধ হৈ পৰিবলগীয়া হৈছে। গতিকে, এই সময়খিনিতেই যতীন বৰাই আশীৰ্বাদ কামনা কৰিছে অসমবাসীৰ। আহিবলগীয়া অসমীয়া ছবিসমূহৰ ভিতৰত অন্যতম হৈছে “ৰাঘৱ”। “ৰত্নাকৰ” একপ্ৰকাৰ ব্লকব্লাষ্টাৰ হোৱাৰ পিছতেই দৰ্শকৰ যতীন বৰাক লৈ বাঢ়িছে উৎকণ্ঠা। যতীন বৰাই আপলোড কৰা ভিডিঅ’টোত বহুতে ইতিবাচক কমেণ্ট কৰি তেওঁক হতাশাত নুভুগিবলৈ প্ৰকাশ কৰিছে।
