এখন চুটি ছবি আহি আছে আপোনালোকৰ মাজলৈ-
আমাৰ জীৱনৰ আটাইতকৈ সুন্দৰ সময় কণ আছিল শিক্ষা জীৱনটো। স্কুলত যেতিয়া আছিলোঁ বন্ধু কি হয় তাক বুজিছিলোঁ, কলেজীয়া জীৱনলৈ যেতিয়া আহিলোঁ তেতিয়া বহুতৰে হয়টো প্ৰেম বোলা বিষয়টোৰ সৈতে একাত্মীয়তা গঢ়ি উঠিছিল। নহয়নে? কলেজত হোৱা প্ৰেমৰো এক সুকীয়া আমেজ আছে, যিগৰাকীয়ে সেয়া অনুভৱ কৰিছে তেওঁ হয়টো নিজেই বুজিছে।
এই কলেজীয়া প্ৰেমটোতেই বহুতৰ বাবে সংঘাত, দুখ, সুখ, হাঁহি-কান্দোন সকলো সোমাই থাকে। এই আটাইবোৰকে লৈ আহি আছে এখন চুটি ছবি “দাগ Blot Of Life”। চুটি ছবিখনৰ কাহিনী, চিত্ৰনাট্য আৰু পৰিচালনা কৰিছে ৰিতুল কলিতাই। সহ পৰিচালনা আৰু দৃশ্যগ্ৰহণ শিৱম ৰয়ৰ। সহঃ দৃশ্যগ্ৰহণকাৰী হিচাবে আছে বিকাশ। চুটি ছবিখনত এটা গানকো সংযোজিত কৰা হৈছে যাৰ নাম হৈছে “চকুতে চকু”, ইয়াৰ সংগীত কৰিছে নৱ কুমাৰ দাসে। বেকগ্ৰাউণ্ড স্কৰো তেখেতৰেই।
“দাগ” ত আপোনালোকে দেখিবলৈ পাব ক্ৰমে ৰাজশ্ৰী দাস, মিতুশ্ৰী দাস, ৰিতুল কলিতা, জিত কুমাৰ নাথ, ধনমণি কলিতা, মানস প্ৰতীম ডেকা, সুমন বৰুৱা, আৰ্ছিতা আৰু টিটিখ্যা দাসক। শীঘ্ৰে চুটি ছবিখন আপোনালোকে উপভোগ কৰিবলৈ পাব।
