Youthzkorner ৰ বেনাৰত নিৰ্মিত বহুকেইখন ৱেব চিৰিজে ইতিমধ্যে অসমীয়া দৰ্শকৰ হৃদয়ত ঠাই বনাবলৈ সক্ষম হৈছে। “জীৱন আনপ্লাগড্” ৰ বিষয়ে আপোনালোকো হয়টো অৱগত। বিগত বহু দিনৰ পিছত পুনৰ এবাৰ এই প্ৰডাকচন হাউচটোৰ বেনাৰত নিৰ্মিত এটি প্ৰকল্প মুক্তি পাবলৈ সাজু হৈছে। এই মিউজিক ভিডিঅ’টিৰ নাম হৈছে “পাহাৰীয়া ডাৱৰ”। জনপ্ৰিয় কণ্ঠশিল্পী ৰূপম ভূঞাৰ কণ্ঠৰে মুক্তি লাভ কৰিবলগীয়া এই গীতটি ৰাইজে উপভোগ কৰিব পাৰিব অহা এপ্ৰিল মাহৰ ২ তাৰিখে। পৰিচালনা অনুপ্ৰাস দাসৰ। “Jibon Unplugged” ৰ খণ্ডসমূহৰ পৰিচালনাৰ দায়িত্বত থকা এই গৰাকী অনুপ্ৰাস দাসৰ পৰিচালনাৰে আহিবলগীয়া এই মিউজিক ভিডিঅ’টোৰ বাবে উৎসাহিত সকলো। ৰূপম ভূঞাৰ হৃদয় জুৰোৱা কণ্ঠ আৰু ছবি প্ৰডাকচন” ৰ জৰিয়তে সাজু হোৱা এই সুন্দৰ তথা সাৱলীল কাহিনীৰে সমৃদ্ধ “পাহাৰীয়া ডাৱৰ” ত অভিনীত অভিনেতা-অভিনেত্ৰীয সকলৰ নাম সমূহেও ধ্যান আকৰ্ষণ কৰিবলৈ সক্ষম হৈছে।
ইয়াত অভিনয় কৰিছে ক্ৰমে অৰিন্দম শৰ্মা, সুকন্যা বৰুৱা, শিখা তালুকদাৰ, উমেশ হালৈ আৰু অভিনৱ প্ৰতিম দাসে। গীতটিৰ কেইবাখনো পষ্টাৰ ইতিমধ্যে মুকলি কৰা হৈছে। ইয়াত কেমেৰাৰ দায়িত্বত আছে ক্ৰমে জগদীশ দাস, গৌতম সূত্ৰধৰ আৰু জ্যোতিপ্ৰকাশ ৰাভাই। সহঃপৰিচালনা নিলাক্ষী ডেকাৰ, এৰিয়েল কেমেৰা মাধুৰ্য্য শইকীয়াৰ আৰু সম্পাদনা পৰিচালক অনুপ্ৰাস দাসৰ নিজৰেই। গ্ৰাফিক্স কৰিছে নিকুমণি শইকীয়াই, প্ৰডাকচন মেনেজমেণ্টত আছে ৰঞ্জিত প্ৰীতম। আনহাতে, গীতটিৰ কথা লিখিছে অভিলাশ দাসৰ, সংগীত ব্যৱস্থাপনা ৰিদিপ লহকৰৰ। লগতে, সংগীত প্ৰযোজনা অনুপম কোঁৱৰৰ আৰু শব্দ-সংমিশ্ৰণ পিংকু দাসৰ।
প্ৰকল্পটোৰ প্ৰতিটো বিষয়েই জনসাধাৰণৰ উৎসাহৰ কাৰণ। আমি অপেক্ষাৰত। প্ৰকল্পটিৰ সৈতে জড়িত আটাইলৈ Jollywood Now ৰ তৰফৰ পৰা জনাইছোঁ আন্তৰিক শুভকামনা।
