আহিবলগীয়া এটা সাংঘাতিক গীতৰ চৰ্চা চলিছে সামাজিক মাধ্যমত। গীতটোৰ আচলতে নামটোৱে ব্যতিক্ৰম, এটা হোৱাগীত হৈছে এই “শিয়াল”। “শিয়াল” নামৰ এই জন্তুবিধৰ যদি প্ৰকৃতি চাবলৈ যাওঁ তেতিয়াহ’লে জানিব পাৰিব যে এই প্ৰাণীবিধে পিছলৈ খাবলৈও খাদ্য লুকুৱাই ৰাখে আৰু ইয়াৰ আশ্চৰ্যজনক শ্ৰৱণ শক্তি আছে। আটাইতকৈ চতুৰ বুদ্ধি থকা এবিধ জন্তু হৈছে “শিয়াল”। সেয়েহে, প্ৰায়ে আমি কোনো চতুৰ লোকক “শিয়াল” বুলিও আখ্যা দিওঁ।
এতিয়া আহোঁ গীতটোলৈ, গীতটোৰ নামটোৱে সকলোকে আকৰ্ষিত কৰিছে। অডিঅ’ আকাৰে প্ৰতিটো প্লেটফৰ্মত মুক্তি পাবলগীয়া এই গীতটোৰ জৰিয়তে তথাকথিত সমাজৰ বিভিন্ন জনৰ হয়টো মুখা খোলাৰো প্ৰয়াস কৰা হ’ব পাৰে। আপোনালোকে চাংকু নিৰঞ্জনক হয়টো চিনি পায়, ৰীলড্ৰামাত তেখেতৰ পৰিচালনাৰে নিৰ্মিত”নেউল” ৱেব চিৰিজখন এতিয়াও উপলব্ধ হৈ আছে। ইয়াৰোপৰি, অসমীয়া অভিনয় জগতৰ এক চিনাকী নাম হৈছে চাংকু নিৰঞ্জন।
“শিয়াল” গীতটো তেখেতৰেই। তেওঁৰ কথা আৰু কণ্ঠৰে মুক্তি লাভ কৰিবলৈ সাজু হৈছে গীতটো। সংগীতৰ দায়িত্ব বহন কৰিছে হীৰকজ্যোতি নাথে।
