নৱপ্ৰজন্মৰ পৰিচালক মৃণাল ডেকাৰ নতুন প্ৰকল্প “Soul Friends”
অসমীয়া মনোৰঞ্জন ক্ষেত্ৰখনত ইটোৰ পিছত সিটোকৈ প্ৰতিটো প্ৰকল্পই নিজৰ জনপ্ৰিয়তা অব্যাহত ৰাখিছে। আমি বিশেষকৈ ক’ব বিচাৰিছোঁ অসমীয়া ৱেব চিৰিজ সমূহৰ বিষয়ে। এই ৱেব চিৰিজ সমূহত বিষয়বস্তু, চিত্ৰনাট্য, সংলাপ তথা অভিনেতা-অভিনেত্ৰীৰ অভিনয় ইমানেই মননশীল যে দৰ্শকে প্ৰত্যেকটো খণ্ডৰ বাবে অধীৰ অপেক্ষা কৰি থকা পৰিলক্ষিত হয়।
আপোনালোক সকলোৱে নিশ্চয় “Hostel 9” ৰ বিষয়ে অৱগত। নৱপ্ৰজন্মৰ পৰিচালক মৃণাল ডেকাৰ পৰিচালনাৰে নিৰ্মিত “Hostel 9” ৰ বহুল জনপ্ৰিয়তাৰ পিছত এইবাৰ তেখেতে আন এখন ৱেব চিৰিজৰ সৈতে আহিবলৈ সাজু হৈ উঠিছে। তেখেতৰ এই ৱেব চিৰিজখনৰ নাম হৈছে “Soul Friends”। ইতিমধ্যে চিৰিজখনৰ শীৰ্ষগীতৰ ফাৰ্ষ্ট লুক মুকলি কৰি দিয়া হৈছে। এই চিৰিজখনৰ কাহিনী বিশ্বৰ, চিত্ৰনাট্য লিখিছে নিশিৰঞ্জন কে. মল্লিকাই। দৃশ্যগ্ৰহণ হাৰ্ডিকৰ আৰু সংগীত পৰিচালনা কৰিছে বহ্নিমানে। আনহাতে, চিৰিজখনত অভিনয় কৰিছে ক্ৰমে নিৰূপম শইকীয়া, জুনু নাথ, জ্যোতিস্মিতা কাশ্যপ, জিন্তু কুমাৰ কাশ্যপ, সৌমাৰ শৰ্মাৰ লগতে আন কেইবাগৰাকীও ন-পুৰণি শিল্পীয়ে।
এই ৱেব চিৰিজখন আপোনালোকে কোনোধৰণৰ টকা নিদিয়াকৈ সহজে ইউটিবত উপলব্ধ চেনেল “Firefly Films” ত উপভোগ কৰিব পাৰিব।
Copyright: Jollywood Now
Xosa (Official Audio Song):
